दिलीप जैन.(पाचोरा)
दिनांक~१४/११/२०२१

त्रिपुरातील घटनेनंतर मालेगाव, वाशिम, नांदेड व अमरावती जिल्ह्यात आंदोलनास गालबोट लागले. या पार्श्वभूमीवर जळगाव जिल्ह्यातील सुरक्षेच्या दृष्टिकोनातून आज पोलिस मुख्यालयातील मंगलम सभागृहात पोलिस अधीक्षक डॉ. प्रवीणजी मुंडे यांनी शांतता समितीची बैठक बोलावली होती. या आयोजीत बैठकीत उपस्थितांना शांतता राखण्याचे आवाहन करत कायदा हातात घेणाऱ्यांवर काठोर कारवाई करण्यात येईल असे संकेत दिले तसेच जिल्ह्यातील तालुक्यांमध्ये शांतता समितीच्या बैठका घेऊन कायदा सुव्यवस्था राखण्यासाठी विशेष काळजी घेण्यासाठी आदेश दिले.

व्यासपीठावर अध्यक्षस्थानी पोलीस अधीक्षक डॉ. प्रवीण मुंढे, महापौर जयश्री महाजन, आमदार राजूमामा भोळे, उपमहापौर कुलभुषण पाटील, अपर पोलीस अधीक्षक चंद्रकांत गवळी, पोलीस उपअधीक्षक कुमार चिंथा यांच्यासह शांतता समितीचे पदाधिकारी उपस्थित होते.

महापौर जयश्री महाजन, आमदार राजूमामा भोळे यांच्यासह शांतता समितीचे सदस्य अनिल अडकमोल, सैय्यद अय्याज अली नियाज अली यांनीही मनोगत व्यक्त केले. बैठकीला शहरातील सर्व पोलीस निरिक्षक तसेच शांतता समितीचे पदाधिकारी मोठ्या संख्येने उपस्थित होते. प्रास्ताविक अपर पोलीस अधीक्षक चंद्रकांत गवळी यांनी केले. सूत्रसंचालन व आभार प्रदर्शन शनिपेठचे पो नि बळीराम हिरे यांनी केले.समिती सदस्यांच्या विविध मुद्यांवर पोलीस अधीक्षकांनी उत्तरे दिली

पोलीस अधीक्षक डॉ. प्रवीण मुंढे म्हणाले की, व्हॉटसऍप, फेसबुक, इन्टाग्रामसह इतर सोशल मिडीयाच्या माध्यमातून कोणी भडकावित असेल तर त्याचा प्रयत्न हाणून पाडा. वातावरण खराब होणार नाही, याची काळजी घ्या. अनुचित प्रकार घडू नये म्हणूून सर्वधर्मिय सदस्यांनी काळजी घ्यावी कुणी काही अनुचित प्रकार करत असेल, किंवा भावना भडकावित असेल तर पोलिसांना कळवा, कारवाई करण्यात येईल असेही त्यांनी सांगितले.