दिलीप जैन.(पाचोरा)
दिनांक~२५/१०/२०२१

पाचोरा तालुक्यातील सार्वे, जामने गावात डेंग्यू व चिकन गुनियाचे संशयित रुग्ण आढळून आले होते.आमदार गिरीशभाऊ महाजन यांच्या पुढाकाराने सार्वे, जामने गावात आरोग्य व रक्त तपासणी शिबिराचे आयोजन केले होते.

सार्वे-जामने गावात मोठ्या प्रमाणात डेंग्यू व चिकन गुनिया सदृश्य आजाराचे रुग्ण आढळून आले होते. या गावाकडे आरोग्य प्रशासन दुर्लक्ष करीत आहे असे माजी सरपंच संजय पाटील यांच्या लक्षात आले होते. म्हणून गोरगरिबांना दवाखान्यात खर्च करणे शक्य नसल्याने संजय पाटील यांनी पुढाकार घेत आमदार गिरीशभाऊ महाजन यांच्या माध्यमातून रुग्णाची मोफत आरोग्य व रक्त तपासणी करून रुग्णांना मोफत औषधीचे वाटप केले. या शिबिरात २५० रुग्णाची रक्त तपासणी तसेच ३०० रुग्णाची आरोग्य तपासणी करण्यात आली.

या शिबिराप्रसंगी प्रमुख पाहुणे म्हणून माजी जि.प.सदस्य शांताराम नाना पाटील, ग्रा.प.सदस्य संजय पाटील,डॉ.महेंद्र चव्हाण,डॉ.मयुरी पवार,डॉ.योगेश डाखणे,जी.एम.फौंडेशनचे आरोग्यदूत पितांबर भावसार,अनिल सोनवणे उपस्थित होते. शिबीर यशस्वीतेसाठी ग्लोबल महाराष्ट्र हॉस्पिटल व सार्वे-जामनेच्या ग्रामस्थांनी विशेष सहकार्य केले.