भोजे येथील ३० वर्षीय तरुणाची गळफास घेऊन आत्महत्या.
दिलीप जैन.(पाचोरा)
दिनांक~०९/१०/२०२१
पाचोरा तालुक्यातील भोजे येथे एका ३० वर्षीय तरुणाने गळफास घेत आत्महत्या केल्याची घटना उघडकीस आली आहे. घटनेबाबत पिंपळगाव (हरेश्वर) पोलिसात अकस्मात मृत्यूची नोंद करण्यात आली असुन घटनेचा पुढील तपास सहाय्यक पोलिस निरीक्षक कृष्णा भोये यांचे मार्गदर्शनाखाली पी.एस.आय.डिगंबर थोरात हे करीत आहे.
याबाबत सविस्तर वृत्त असे की पाचोरा तालुक्यातील भोजे येथील रहिवासी योगेश संतोष पवार (वय ३०) याने दिनांक ९ ऑक्टोबर शनिवार रोजी सकाळी अंदाजे १०:३० वाजेच्या सुमारास आपल्या राहत्या घराच्या छताला गळफास लावून आत्महत्या केली.
घटने प्रसंगी घरात कोणीही नव्हते. त्याचे आई व वडिल बाहेर गेलेले होते. काही वेळानंतर आई घरी परतल्यानंतर त्यांना योगेश हा घराच्या छताला गळफास घेतलेल्या अवस्थेत आढळून आला. त्यास तात्काळ पाचोरा ग्रामीण रुग्णालयात दाखल केले असता वैद्यकीय अधिकारी डॉ. अमित साळुंखे यांनी त्याला मृत घोषित केले.
या घटनेची पिंपळगाव (हरेश्वर) पोलिसात अकस्मात मृत्यूची नोंद करण्यात आली असून घटनेचा पुढील तपास सहाय्यक पोलिस निरीक्षक कृष्णा भोये यांचे मार्गदर्शनाखाली पी.एस.आय. डिगंबर थोरात हे करीत आहेत.
मयत योगेश पवार याचे पाश्चात्य आई, वडिल, एक भाऊ, एक बहीण असा परिवार आहे. योगेश पवार याने आत्महत्या का केली असावी ? याचे कारण अद्याप समजू शकलेले नाही.
या घटनेमुळे भोजे गाव व परिसरातून हळहळ व्यक्त केली जात आहे.