दिलीप जैन.(पाचोरा)
दिनांक~०४/०५/२०२१

पाचोरा तालुक्यातील अंबे वडगाव येथील सत्यजित न्यूजचे संपादक दिलीप जैन. यांना कोरोनाची लागण झाली पाहिजे म्हणून काही हितचिंतकांनी देवाला साकडे घालून नवस कबूल केल्याची बातमी गुप्त खबरीकडून मिळाली आहे.

याबाबत सविस्तर असे की दिलीप जैन. हे पाचोरा तालुक्यातील अंबे वडगाव येथील रहिवासी असून १९८३ ते २०१३ या कालावधीत फोटोग्राफी सोबतच पत्रकारिता, तसेच आता वडिलोपार्जित शेती व कापड दुकान सांभाळून यातून मिळणाऱ्या उत्पन्नातून उदरनिर्वाह चावतात.

पत्रकारिता करतांना भले तरी देवू कासेची लंगोटी, नाठाळाच्या माथी हाणू काठी. हे तत्त्व उराशी बाळगून निर्भीड, समाजपयोगी जनहितार्थ पत्रकारिता करत असतांनाच भ्रष्टाचार, अत्याचार, अंधश्रद्धा, सामाजाला घातक ठरणाऱ्या बाबी व समाजाला व अर्थव्यवस्थेला आतून पोखरणारे अवैधधंदे याच्याबद्दल सडेतोड लिखाण केल्यामुळे काही भ्रष्ट अधिकारी व काही शुभचिंतकांनी दाखल केलेले खोटे गुन्हे डोक्यावर घेत पत्रकारिता करत आहेत.

आता कोरोनाचे संकट आल्यापासून पोलिस यंत्रणा व अधिकारी वर्ग जनतेच्या सुरक्षिततेसाठी अहोरात्र झटत असल्याने याच संधीचा फायदा घेत काही समाजकंटकांनी गावागावात, गल्लीबोळात, ठिकठिकाणी सट्टापेढी, जुगाराचे अड्डे, गावठीदारु, देशीदारुसह अनेक अवैधधंदे सुरु केल्याने गावागावात अशांतता पसरली आहे.

तसेच कोरोनासारख्या आजाराला नियंत्रित करण्यासाठी लॉकडाऊन सुरु असल्याने हाताला काम नसल्याने सगळीकडे दोनवेळेच्या जेवणाची तारांबळ होत असतांनाच सगळीकडे अवैधधंदे सुरु झाल्याने महिलावर्ग त्रस्त झाला आहे. याची दखल घेत दिनांक ०३ मार्च सोमवारी लोहारा, कुऱ्हाड परिसरातील अवैधधंदे विरोधात बातमी लावल्याचा राग आल्याने बातमीत उल्लेख केलेला एक कायद्याचा रक्षक शुभचिंतक व या परिसरातील अवैधधंदे करणारांची कुऱ्हाड ते लोहारा दरम्यान असलेल्या म्हसास येथील पाझर तलावा जवळ एका झाडाखाली छोटेखानी मिटींग झाली.

व या ठिकाणी चर्चा करून तात्पुरते अवैधधंदे बंद ठेवा किंवा चोरुन लपून करा असा सल्ला देण्यात आला असून साला तो पत्रकार कोरोना होऊन मेला पाहिजे जर त्याला कोरोना झाला व त्यात तो मेला तर मी पाच बोकड्याचा नवस देईल असा नवस एक अवैधधंदे करणाराने केला असून एखादा खोटा गुन्हा दाखल करता येईल का ? यासाठी प्रयत्न सुरु असल्याचे चर्चिले जात आहे.

तरी वरिष्ठ अधिकाऱ्यांनी याबाबत सविस्तर माहिती काढून लोहारा, कुऱ्हाड परिसरातील अवैधधंदे कायमस्वरूपी बंद करावेत तसेच मी आमदारांचा वर्गमित्र आहे. अश्या बातम्यांना घाबरु नका काहीच होणार नाही. शेखी मिरवून असा सल्ला देणाऱ्या कर्मचाऱ्याची त्वरित बदली व्हावी अशी मागणी जनमानसातून होत आहे.