दिलीप जैन..(पाचोरा)
दिनांक~१९/०४/२०२१

पाचोरा तालुक्यातील कुऱ्हाड खुर्द व कुऱ्हाड बुद्रुक येथे दिवसेंदिवस कोरोनाचा प्रादुर्भाव वाढत असून आजपर्यंत दोघेही गावातुन जवळपास सात कोरोना बाधितांचा मृत्यू झाला असून बरेच कोरोनाबाधीत ठणठणीत होऊन कोरोनामुक्त झाले आहेत.

मात्र अजूनही सक्रिय संशयित रुग्ण असल्याचे आढळून आले असल्याने कोरोनाचा वाढता प्रादुर्भाव बघून ग्रामस्थांमध्ये भितीचे वातावरण निर्माण झाले आहे.

त्या अनुशंगाने दिनांक १९ एप्रिल लोहारा येथील वैद्यकीय अधिकारी डॉ. देवेंद्र पाटील व त्यांच्या सहकाऱ्यांनी कुऱ्हाड बुद्रुक येथील ग्रामस्थांची व महिलांची टेस्ट करुन घेतली.

यावेळी साठ लोकांची तपासणी करण्यात आली पैकी ०७ लोकांची कोरोना टेस्ट पॉझिटिव्ह आली असून नागरिकांनी घाबरून न जाता सोशल डिस्टेंसिंगच्या नियमांचे पालन करावे व कुणालाही काही शंका आल्यास आरोग्य विभागाशी संपर्क साधावा असे आवाहन डॉ. देवेंद्र पाटील. यांनी केले आहे.

या सर्व पॉझिटिव्ह आलेल्या रुग्णांना त्यांच्या इच्छेप्रमाणे कोविड सेंटरला जाण्यासाठी तर काहींनी स्वतःला होम कॉरंटाईन करून पथ्य पाळण्याचे अवाहन केले पैकी काही पॉझिटिव्ह रुग्ण शेतात वास्तव्यासाठी रहायला गेले आहेत.

या रॅपिड टेस्टिंग लोहारा प्राथमिक आरोग्य केंद्राचे वैद्यकीय अधिकारी मा.श्री. देवेंद्र पाटील. यांनी अथक परिश्रम घेतले तसेच पोलीस पाटील मा.श्री. संतोष कोळी माजी सरपंच श्री. किरण पाटील, उत्तर पाटील, दिपक पाटील,अमोल पाटील, तुकाराम तवर,राजु राठोड, माजी सरपंच मेहताप तवर, रमेश तवर, पंकज राठोड, अशोक तवर पवन पाटील, सचिन पाटील, अजय पाटील, रोशन देशमुख, शिवप्रसाद पाटील, उमेश पाटील, ग्रामसेवक मा.श्री. विकास पाटील. यांचे विशेष सहकार्य लाभले.