दिलीप जैन.(पाचोरा)
दिनांक~०७/०४/२०२४

मुस्लिम बांधवांसाठी पवित्र असलेला रमजान महिना सध्या सुरु आहे. रमजान महिन्यात मुस्लिम बांधव रोजा म्हणजे उपवास ठेवतात. मुस्लिम धर्मात रोजा (roja) ला अनन्य साधारण महत्व आहे. मन आणि शरीर शुद्ध करण्याचा तो एक मार्ग आहे. आजच्या या कठीण काळातही माणसाला निरोगी आणि चिंतामुक्त ठेवण्याचे काम रोजा करतो. रोजा असणारा व्यक्ती दिवसभर काहीही खात किंवा पाणी सुद्धा पीत नाही. सध्या उन्हाळा सुरु असल्याने रोजा धरणे कठीण समजले जाते मात्र नांद्रा येथून जवळच असलेल्या माहीजी येथील सुफीयान शेख फारुख या फक्त ५ वर्षाच्या चिमुकल्याने रोजा धरल्याने हा चर्चेचा विषय ठरला आहे.

मुस्लिम समाजाचा पवित्र असा रमजान महिना मानला जातो. या महिन्यात सर्व मुस्लिम मंडळी रमजानचे उपवास म्हणजेच रोजे ठेवत असतात. परंतु इतक्या उन्हाळ्यात ३४ ते ३९ अंश तापमान असतांना उपवास पवित्र रमजान महिन्यात आपल्या जीवनाचा पहिला रोजा पूर्ण करुन माहीजी परिसरातून सुफीयान शेख याने जीवनातला पहिला रोजा ठेवला होता. एवढ्या कमी वयात आपल्या जीवनाचा पहिला रोजा पूर्ण केल्याबद्दल या चिमुकल्याचे सर्वत्र अभिनंदन होत आहे.