जल्लोष गरबा दांडियाचे आकर्षण ठरली चिमुकली लावण्या.

दिलीप जैन.(पाचोरा)
दिनांक~२८/०९/२०२२

पाचोरा येथे मानसिंगका मिलच्या प्रांगणात गेल्या २६ सप्टेंबर
पासून सुरू असलेल्या मा. श्री. सुमित किशोर आप्पा पाटील प्रेझेंट जागर शक्तीचा- उत्सव भक्तीचा जल्लोष २०२२ च्या दुसऱ्या दिवशी अवघ्या अडीच वर्षांची स्पर्धक चिमुकली लावण्या साऱ्यांचेच आकर्षण ठरली. बालकांच्या गटात लावण्याने गरबा दांडियाचा उत्कृष्ट गणवेश परिधान करत केलेल्या नटखट हालचाली उपस्थितांचे लक्ष वेधणाऱ्या ठरल्या. आशीर्वाद इन्फ्राचे संचालक मुकुंद बिल्दीकर यांनी अकराशे रुपयांचे रोख पारितोषिक देऊन चिमुकल्या लावण्याचा गुणगौरव केला. त्यावेळी दुर्गा मातेचा जयघोष व टाळ्यांनी आसमंत दुमदुमला होता.

जल्लोष गरबा दांडियाच्या दुसऱ्या दिवशी आदिशक्ती देवीचा जागर व आरती करण्यात आली. याप्रसंगी स्पर्धेचे प्रायोजक तथा आशीर्वाद इन्फ्राचे संचालक मुकुंद अण्णा बिल्दीकर, मुख्य आयोजक सुमित किशोर आप्पा पाटील, आमदार किशोर पाटील यांच्या सुविद्य पत्नी तथा माजी नगराध्यक्ष सुनीताताई पाटील, पीपल्स बँकेच्या संचालिका मयुरीताई बिल्दीकर,आदित्य बिल्दीकर, शिवसेनेचे शहर प्रमुख किशोर बारावकर, माजी उपनगराध्यक्ष शरद पाटे, माजी नगरसेवक सतीश चेडे,थेपडे बिल्डर्सचे अपूर्व थेपडे, ग्रीन ऍपल इव्हेंटचे संदीप महाजन, राहुल पाटील, भूषण पेंढारकर, जितेंद्र काळे, गुड्डू शेख, धनराज पाटील, शितल महाजन, प्रा डाॅ वैष्णवी महाजन, मिलिंद सोनवणे, अनिल येवले, विजय भोई, सुमित सावंत,संदिपराजे पाटील, उपनिरीक्षक जितेंद्र वल्टे,गोपनीय शाखेचे नितीन सूर्यवंशी, बांधकाम ठेकेदार सुभाष जाधव आदि उपस्थित होते.

दुसऱ्या दिवशीही नाव नोंदणीसाठी स्पर्धकांनी प्रचंड प्रतिसाद दिला. नवरात्रीच्या दुसऱ्या माळेचा लाल रंगाचा पेहराव केलेल्या महिलांची संख्या लक्षणीय होती. लाल रंगाचे परफेक्ट मॅचिंग असलेल्या महिलांना कुपन देऊन त्यातून पैठणीसाठीचा ड्रॉ काढण्यात आला. नाशिक येथील अमोल पालेकर ऑर्केस्ट्रा कंपनीच्या सूर व संगीताची जुगलबंदी, दोंडाईचा येथील उजाला साऊंडचा स्फूर्तीदायी ठेका, सुयोग्य प्रकाश रचना तसेच स्पर्धकांनी केलेला गरबा दांडियाचा अत्यंत रेखीव व मनोहरी पेहराव अशा प्रसन्न वातावरणात दुसऱ्या दिवसाची स्पर्धा पार पडली.

बालक, महिला व पुरुष अशा तिघांचे स्वतंत्र दांडिया व गरबा राऊंड घेण्यात आले. परीक्षक म्हणून शितल महाजन, प्रीती बोथरा, उर्वशी मोर, दुष्यंत खंडेलवाल ,मनिवेल सालोमन यांनी काम पाहिले.
आमदार किशोर आप्पा पाटील यांनी केलेल्या विविधांगी विकास कामां संदर्भातील प्रश्नां वर आधारित उत्तरे देणाऱ्यांना भेटवस्तू देऊन गौरविण्यात आले. दुसऱ्या दिवशी मोनिका मिस्तरी, मेघा भांडारकर, माधुरी राऊळ, स्मिता पाटील, जयश्री विसपुते, ज्योती चौबे, निकिता महाजन , राजेंद्र ठाकरे ,शुभम खैरनार, तेजस येवले, विजया पाटील हे पैठणी व बक्षिसाचे मानकरी ठरले’ विजैत्यांचा मुकुंद अण्णा बिल्दीकर, सुनिताताई पाटील, मयुरीताई बिल्दीकर, सुमित पाटील, आदित्य बिल्दीकर यांच्या हस्ते सन्मान करण्यात आला. गरबा दांडियाचा आनंद लुटणाऱ्या प्रेक्षकांसाठी सुयोग्य आसन व्यवस्था करण्यात आल्याने प्रत्येकाला स्पर्धेचा मनसोक्त आनंद लुटता आला.

जल्लोष २०२२ चा समारोप येत्या ०४ ऑक्टोबर रोजी होणार असून अभिनेत्री प्रार्थना बेहरे, गायिका वैशाली माडे यांच्या उपस्थितीत. विजेत्यांना दोन एक्टिवा, २ फ्रीज, दोन वॉशिंग मशीन, दोन एलईडी ,दोन सायकली यासह लाखो रुपयांची बक्षीसे देऊन गौरविण्यात येणार आहे. बक्षीस वितरण प्रसंगी प्रार्थना बेहरे व वैशाली माडे या अभिनेत्रींच्या अभिनय व गाण्यांची जुगलबंदीही रंगणार आहे. गरबा दांडिया प्रेमी व नागरिकांनी या स्पर्धांचा लाभ व आस्वाद घ्यावा असे आवाहन आमदार किशोर आप्पा पाटील, सुमित पाटील, मुकुंद अण्णा बिल्दीकर, मनोज भैय्या पाटील, सुनिताताई पाटील, मयुरीताई बिल्दीकर, आदित्य बिल्दीकर यांचे सह ग्रीन ऍपल इव्हेंटच्या वतीने करण्यात आले आहे.