दिलीप जैन.(पाचोरा)
दिनांक~१६/०३/२०२२

निसर्गाच्या लहरीपणामुळे शेतकऱ्यांची पावसाळी पिके हातची गेली यात शेतकरी अहवाल दिला असतांंनाच, कर्जबाजारी झाले शेतकऱ्याने पुन्हा कंबर कसून रब्बी पिके घेण्याचे ठरवले. परंतु विद्यूत वितरण कंपनीकडून शेतकऱ्यांना पाहिजे तसा विद्युत पुरवठा होत नसल्याने शेतकऱ्यांचे विद्युत पंप “असून संताप, नसून नितित” अशी परिस्थिती होती. कारण विहिरीत मुबलक जलसाऊ असल्यावरही विद्युतपुरवठ्या अभावी पिकांना पाणी देणे जिकिरीचे जात होते. तरीही बळीराजाने रात्रंदिवस एक करत आपली रब्बीची पिके जगवली. यातच विद्युत वितरण कंपनीकडून विद्युत बिल भरा असा तगादा लावण्यात आला. मार्च महिन्यात गहू हरभरा व इतर पिके शेवटच्या टप्प्यात आली असतांंना या पिकांना शेवटचे पाणी देणे अत्यंत गरजेचे होते. परंतु विद्यूत वितरण कंपनीने आडमुठे धोरण राबवून थकित बिलापोटी शेतकऱ्यांचा विद्युत् पुरवठा बंद केला.

अत्यंत खराब परिस्थितीत असलेला कटाऊट बॉक्स दाखवतांना अंबे वडगाव येथील शेतकरी मा.श्री. चरणसिंग राठोड.

शेतकरी अक्षरशः संबंधित अधिकाऱ्याच्या पाया पडत होता, तरी सुद्धा अधिकाऱ्यांना तर सोडाच परंतु या सत्ताधारी पक्षाच्या लोकांना ही परिस्थिती माहित असल्यावरही याची दखल घेतली नाही. म्हणून कुंभकर्णी झोपेत असलेल्या पाचोरा तालुक्याचे आमदार मा.श्री. किशोर आप्पा पाटील व आघाडी सरकारला जागे करण्यासाठी पाचोरा तालुक्याचे भाजपाचे सगळ्यांचे आवडते लोकनेते अमोल भाऊ शिंदे यांनी दिनांक १५ मार्च २०२२ मंगळवार रोजी पाचोरा शहरात ढोल बजाव आंदोलन करून सरकारचा व आमदारांचा निषेध नोंदवू कुंभकर्ण झोपेत असलेल्या आमदारांना व सरकारला जागे करण्यासाठी पाचोरा शहरात ढोल बजाव आंदोलन केले.

हे आंदोलन करण्यामागचा हेतू हाच होता की पाचोरा तालुक्याच्या सत्ताधुंद आमदाराला सत्तेच्या झोपेतून जागविण्यासाठी भारतीय जनता पार्टी व भाजपा किसान मोर्चा तर्फे पाचोरा शहरात ढोल बजाओ आंदोलन करण्यात आले. हे आंदोलन १५ मार्च २०२२ मंगळवार रोजी सकाळी ११ वाजता श्री. छत्रपती शिवाजी महाराज चौकात ढोल वाजवून ढोल बजाओ आंदोलन करण्यात आले. या आंदोलनात पाचोरा -भडगाव तालुक्यातील हजारो शेतकरी स्वयंस्फूर्तीने उत्स्फूर्तपणे सहभागी झाले होते.

महावितरणाच्या आडमुठ्ठे धोरणामुळे होरपळलेल्या बळीराजासाठी भारतीय जनता पार्टी पाचोरा व भडगाव तर्फे एकत्र येऊन सत्ताधुंद राज्य सरकार सह स्थानिक आमदारांना जागवण्यासाठी आयोजित केलेला हा महाएल्गार मोठ्या प्रमाणात यशस्वी झाला. शेतकरी बांधवांना ऐन रब्बी हंगामात वारंवार महावितरण कडून भेडसावणाऱ्या विजेच्या समस्यां विरोधात हे लक्षवेधी आंदोलन होते. पाचोरा भडगाव तालुक्यातील त्रस्त शेतकऱ्यांनी भाजपाच्या नेतृत्वाखाली अटल भारतीय जनता पार्टीच्या कार्यालय पासून घोषणाबाजी करीत छ.शिवाजी महाराज चौकात जाऊन या नाकर्ते सरकारच्या विरोधात ढोल बजाव आंदोलन केले,

१)ट्रान्सफार्मर (डी.पी.)वरून होणारी वीज कनेक्शन तोडणी त्वरित थांबवावी,
२)कृषिपंपांचा वीजपुरवठा ८ तास नियमित व योग्य दाबाने अखंडित देण्यात यावा,
३)नादुरुस्त ट्रान्सफार्मर डी.पी. ४८ तासांत दुरुस्त करून देण्यात यावी.
४)जुलमी पद्धतीने होणारी वीज बिल वसुली तात्काळ थांबावी,
यासह शेतकरी हिताच्या ज्वलंत प्रश्नांना वाचा फोडण्यासाठी भाजपाने हे ढोल बजाओ आंदोलन पाचोरा शहरात केले.

प्रचंड मोठ्या प्रमाणात ढोल-ताशांचा गगनभेदी आवाज, सरकार विरोधी कानठळ्या बसवणाऱ्या घोषणा व सहभागी शेतकरी व भाजपा कार्यकर्त्यांच्या टाळ्या आणि आरोळ्यांनी शहर दुमदुमून गेले. ऐन दुपारी मार्च महिन्याच्या उन्हात सुद्धा हजारो शेतकऱ्यांनी एकत्र जमून हे आंदोलन यशस्वी केले. मागील दोन वर्षांपासून राज्य सरकारने शेतकऱ्यांचा केलेला छळ लक्षात घेता उपस्थित शेतकऱ्यांचा आक्रोश व संतप्त भावना यांना भारतीय जनता पार्टीने वाट मोकळी करून दिल्याचे स्पष्ट झाले.

शेतकऱ्यांच्या दुःखाची आर्त हाक या सत्ताधारी आमदारांच्या कुंभकर्णी कानापर्यंत पोहोचण्यासाठी उपस्थित भाजपा पदाधिकाऱ्यांनी जमलेल्या प्रचंड जनसमुदायासमोर सरकारच्या नाकर्तेपणाचा पाढा वाचला.
यावेळी सर्वप्रथम छत्रपती शिवाजी महाराज व महामानव डॉ.बाबासाहेब आंबेडकर यांच्या पुतळ्याला माल्यार्पण केल्यानंतर मोर्चात संबोधित करताना पाचोरा भाजपा तालुकाध्यक्ष अमोल शिंदे यांनी आमदार किशोर पाटील यांच्यावर शरसंधान साधत ज्या शेतकऱ्यांच्या जीवावर ते आमदार झालेत त्या शेतकऱ्यांनाच आमदारांनी वाऱ्यावर सोडले असुन आमदारांकडून जर शेतकऱ्यांच्या जर समस्या सुटत नसतील तर त्यांनी तात्काळ राजीनामा द्यावा अशी मागणी केली.

तसेच आमदारांना फक्त टक्केवारी मिळत असलेल्या विकास कामांमध्ये फक्त रस असून शेतकऱ्यांसह सामान्य जनतेच्या मूलभूत सोयी-सुविधा व समस्यांवर आमदार स्पष्टपणे दुर्लक्ष करीत आहेत. व ते फक्त ठेकेदार मित्रांचे आमदार नसून सामान्य जनतेचे व शेतकऱ्यांची देखील आमदार आहेत हे देखील भान त्यांनी ठेवावे असे अमोल शिंदे यांनी बोलतांना सांगितले.या प्रसंगी जिल्हा सरचिटणीस व जि.प.सदस्य मधुकर काटे व भडगाव तालुकाध्यक्ष अमोल पाटील यांनी देखील स्थानिक आमदारांसह राज्य शासनावर जोरदार टीका केली. याप्रसंगी भारतीय जनता पार्टी पाचोरा आणि भडगाव तालुक्याचे सर्व लोकप्रतिनिधी पदाधिकारी कार्यकर्ते व भारतीय जनता पार्टी किसान मोर्चा आणि युवा मोर्चा ते सर्व पदाधिकारी तथा पाचोरा व भडगाव तालुक्यातील शेतकरी बांधव मोठ्या प्रमाणात उपस्थित होते.