दिलीप जैन.(पाचोरा)
दिनांक~०३/०३/२०२२

पाचोरा येथे संत रविदास बहुउद्देशीय संस्थेच्या वतीने संस्थापक अध्यक्ष श्री. खंडू पवार यांच्या अध्यक्षतेखाली बैठक घेण्यात आली. या बैठकीत विविध विषयांवर चर्चा घडवून आली. सर्वात महत्त्वाचे म्हणजे पाचोरा येथील चर्मकार समाज मंदिराच्या जागेवर लवकरच भूमिपूजन करून संत शिरोमणी गुरु रविदास महाराज यांच्या मंदिराचे निर्माण करण्याचे सर्वानुमते ठराव मंजूर करुन करण्यात आले.

लवकरच संत शिरोमणी गुरु रविदास महाराज यांचे मंदिर होणार असल्याने तालुक्यातील संपूर्ण चर्मकार बांधवांनमध्ये आनंदमय वातावरणात निर्माण झाले आहे. प्रमुख मान्यवरांच्या उपस्थितीत तालुकाध्यक्ष व शहराध्यक्ष यांची निवड करण्यात आली. यात संत रविदास निर्माण कार्याचे प्रमुखपदी सावखेडा येथील धडाडीचे कार्यकर्ते चर्मकार समाज युवानेते श्री. रामकृष्ण मिमरोट (मोची) यांची तालुकाध्यक्षपदी तर शहराध्यक्षपदी किरण जाधव यांची सर्वानुमते निवड करण्यात आली.

याप्रसंगी संस्थेचे अध्यक्ष खंडू पवार उपाध्यक्ष उत्तम सोनवणे खजिनदार शैलेंद्र पवार मनोहर जोनवाल यांनी नियुक्त पत्रदिले याप्रसंगी तालुका कार्यकारिणी घोषित करण्यात आली ती पुढील प्रमाणे तालुका अध्यक्ष- रामकृष्ण मिमरोट(मोची), उपाध्यक्ष-अमरसिंग वाघमारे, सचिव- गुरुलाल पवार, कायदेशीर सल्लागार रमेश पवार, सदस्य-अनिल पवार, सुरेश बोहरे, नारायण पवार, फकीरा गांगे, गोवर्धन जाधव, विशाल लोंढे, दीपक पवार,यांची निवड करण्यात आली शहराध्यक्ष किरण जाधव, उपाध्यक्ष- किरण गायकवाड, सचिव घनश्याम आंदोरे, खजिनदार- गोपाल मोरे सल्लागार- भारत पवार यांची निवड करण्यात आली. याप्रसंगी प्रास्ताविक नंदलाल आगारे यांनी केले तर सूत्रसंचालन गोपाल मोरे यांनी केले. वरील बैठकीस पाचोरा शहर व तालुक्यातून समाज बांधव बंधू-भगिनी उपस्थित होते.