युक्रेन येथे शिक्षण घेत असलेला पाचोऱ्याचा विद्यार्थी मायदेशी परतलेला. कॉंग्रेस कडून स्वागत.
दिलीप जैन.(पाचोरा)
दिनांक~०२/०३/२०२२
युक्रेन आणि रशियन युध्दाची सुरवात झाली असून भारतीय विद्यार्थी मायदेशी निघाले आहेत. पैकी पाचोरा तालुक्यातील मोंढाळा येथील सुरज शिंदे हे सुखरूप परतले पाचोऱा शहरात सुरज शिंदेचे आगमन होताच कॉंग्रेस ने जंगी स्वागत केले
पाचोरा तालुक्यातील मोढांळा येथील सेवानिवृत्त सैनिक रविंद्र शिंदे यांचा मुलगा सुरज शिंदे हा एम.बी.बी.एस. चे शिक्षण घेण्यासाठी युक्रेन येथे गेलेला होता. परंतु आता युक्रेन व रशिया यांच्यात जोरदार युद्ध सुरु असल्याने युक्रेनमध्ये राहणे जिवितास धोकादायक असल्याने बरेचसे विद्यार्थी मायदेशी परतण्यासाठी निघाले आहेत.
असाच पाचोरा तालुक्यातील मोंढाळा येथील सुरज शिंदे हा युक्रेन येथुन आज पाचोरा शहरात सुखरुप परत आला आहे. अशा भिषण युद्ध संकटात तो शुन्य तापमानात आठ किलोमीटर पायी चालत विमानतळ गाठून युक्रेन येथुन येणाऱ्या सहाव्या विमानातून तो सुखरुप घरी परतणे म्हणजे त्याचा पुनर्जन्म म्हणावा लागेल. कारण आज युक्रेनमध्ये दगडगोट्यांसारखा बॉंबचा वर्षाव होत आहे.
आज सुरज शिंदे हा मुंबई विमानतळावरून रेल्वेने गावी येत असल्याची माहिती कॉंग्रेसचे तालुकाध्यक्ष या.श्री.सचिन सोमवंशी यांना मिळताच त्यांनी शिवदास पाटील, बाळु पाटील, राहुल शिंदे, रवी सुरवाडे, सतिश वाकडे यांच्यासह रेल्वेस्थानकावर जाऊन त्यांचे जंगी स्वागत केले. याप्रसंगी सुरज यांचे वडील व कुटुंबातील सदस्यही हजर होते. सुरज सुरतला सुखरुप पहाताच त्यांच्या भावनांचा बांध फुटला व गळाभेट करत आनंदाश्रू वाहू लागले.