दिलीप जैन.(पाचोरा)
दिनांक~१२/०१/२०२२

पाचोरा उपविभागीय अधिकारी हे कर्तव्य बजावून घरी आल्यानंतर यांच्यासाठी सुस्थितीत एक हक्काचा निवारा असावा या भावनेतून पाचोरा, भडगाव तालुक्याचे लोकप्रिय आमदार मा.श्री. किशोर आप्पा पाटील यांनी तात्कालीन प्रांताधिकारी मा.श्री. राजेंद्रजी कचरे साहेब असतांनाच निवासस्थानासाठी सतत पाठपुरावा सुरु केला होता. या आप्पासाहेबांच्या पाठपुराव्याला यश आले असून आता प्रांताधिकारी यांना हक्काचा निवारा मिळणार असून याकरिता ५९ लक्ष रुपये खर्चून भडगाव रोड येथील शासकीय विश्रामगृहाच्या परिसरात हे निवासस्थान बांधण्यात येणार आहे.

म्हणून या निवासस्थानाचे भूमीपूजन दिनांक १२ जानेवारी २०२२ बुधवार रोजी सकाळी ११ वाजता आमदार मा.श्री. किशोर आप्पा पाटील यांच्या हस्ते व प्रांताधिकारी डॉ. मा.श्री. विक्रम बांदल साहेब, माजी नगराध्यक्ष मा.श्री. संजय गोहिल, बांधकाम विभागाचे अभियंता, उपअभियंता व ज्युनिअर अभियंता मा.श्री. काजवे साहेब यांच्या उपस्थितीत विधीवत पुजन करुन व श्रीफळ वाढवून करण्यात आले.

या निवसस्थानाचे भूमिपूजन कार्यक्रम प्रसंगी माजी उपनगराध्यक्ष मा.श्री. गंगाराम पाटील, माजी उपनगराध्यक्ष मा.श्री. शरद पाटे, शिवसेना शहर प्रमुख मा.श्री. किशोर बारावकर, मा.श्री. नंदू पाटील, मा.श्री. प्रवीण पाटील स्वीय सहाय्यक मा.श्री. राजेश पाटील, मा.श्री. शरद तावडे, मा.श्री. अमोल पाटील,मा.श्री. राजू पाटील, प्रवीण ब्राह्मणे,सुमीत सावंत, आबा कुमावत, जितू पेंढारकर, मा.श्री. एकनाथ पाटील यांची प्रमुख उपस्थिती होती.

(विशेष)
पाचोरा तहसीलदार, पोलिस निरीक्षक, उपनिरीक्षक, अभियंते, पोलीस बांधव यांच्यासाठी देखील हक्काचा निवारा असावा तसेच प्रत्यक गावात तलाठी कार्यालय असावे यासाठी आपला पाठपुरावा सुरू असून लवकरच सर्व अधिकाऱ्यांच्या व पोलीस बांधवांच्या निवासस्थानाचा प्रश्न देखील मार्गी लागणार आहे. असे याप्रसंगी किशोर अप्पा पाटील यांनी सांगितले.