दिलीप जैन.(पाचोरा)
दिनांक.०२/०६/२०२१

लॉकडाऊनच्या कालावधीत मध्ये व्यापारी वर्गाची वेळ बदलवुन मागिल काळातील जळगाव पॅटर्न लावावा वेळ ११ते ५ करुन नाभिक समाजालाही परवानगी द्यावी अशी मागणी कॉग्रेसने आज पाचोरा प्रातंअधिकारी मा.श्री.राजेंद्रजी कचरे यांच्याकडे एका निवेदनाद्वारे केली आहे.

कोरोना महामारीत व्यापारी बर्बाद झाले आहे. आर्थिक व्यवहार पुर्णपणे ठप्प झाले आहेत. त्यामुळे सद्यस्थितीत शासनाने लॉकडाउन मध्ये शितीलता आणली आहे. मात्र वेळ सकाळी ७ ते दुपारी २ ची देण्यात आली असल्याने खेड्यापाड्यातील लोकांना या वेळेत शहरात येऊन आपल्या दैनंदिन कामासाठी लागणारा किराणा व इतर जीवनावश्यक वस्तू खरेदी करता येत नाही. कारण वेळेची मर्यादा कमी असल्यामुळे ग्राहकांची एकच झुंबड उडते व सोशल डिस्टंसिंगचा फज्जा उडून एकप्रकारे कोरोनाला आमंत्रण दिले जाते. तरी ही वेळ मागिल काळात ज्या प्रकारे सकाळी ११ ते सायंकाळी ५ वाजेपर्यंत ठेवण्यात आली होती. तोच जळगाव पॅटर्न राबविण्यात यावा यामुळे व्यापारी पेठेत गर्दी कमी होईल आणि कोरोना संसर्ग रोखण्यासाठी शासनाला मदत होईल अशी मागणी कॉग्रेसने केली आहे.

तसेच नाभिक समाजाच्या उदरनिर्वाहासाठी वंशपरंपरागत एकमेव साधन म्हणजे कटींग सलून परंतु हा व्यवसाय सतत बंद असल्याने हातावर पोट भरणाऱ्या नाभिक समाजावर अन्यायच म्हणावा लागेल. कारण मागील वर्षापासून सततच्या लॉकडाऊनमुळे कटींग सलून व्यवसाय बंद असल्याने उपासमारीची वेळ आली आहे. त्यामुळे शासनाने कोरोना नियमावली देउन नाभिक समाजाला दुकाने उघडण्यास परवानगी द्यावी ही मागणी कॉग्रेसचे तालुका अध्यक्ष सचिन सोमवंशी यांच्या सह पदाधिकारी यांनी केली असून तसे निवेदन पाचोरा प्रांताधिकारी मा.श्री. राजेंद्रजी कचरे साहेबांना दिले आहे.

यावेळी तालुका अध्यक्ष सचिन सोमवंशी, शहर अध्यक्ष अॅड. अमजद पठाण,जिल्हा उपाध्यक्ष विकास वाघ, तालुका सरचिटणीस प्रताप पाटील, अल्पसंख्याक जिल्हा सरचिटणीस मनियार,शहर उपाध्यक्ष गणेश पाटील, जिल्हा युवक उपाध्यक्ष अंबादास गिरी, तालुका युवक अध्यक्ष संदीप पाटील, महिला आघाडीच्या अॅड मनिषा पवार, कुसुम पाटील, शिला सुर्यवंशी, सोशल मीडिया विधानसभा अध्यक्ष राहुल शिंदे, तालुका अध्यक्ष कल्पेश येवले,एन एस यु आय चे साई पाटील आदी उपस्थित होते.

याप्रसंगी निवेदनाच्या विषयावर प्रातंअधिकारी मा.श्री. राजेंद्रजी राजेंद्र कचरे साहेब यांनी मागिल जळगाव पॅटर्न कसा योग्य होता यावर सविस्तर चर्चा केली. आपली मागणी योग्य असुन तात्काळ आपल्या मगणीचे निवेदन मा. जिल्हाधिकारी यांच्याकडे पाठवुन चर्चा करुन लवकरच समस्या कशी सोडवता येईल यावर विचार केला जाईल. त्यातच नाभिक समाजाचे दुकाने मागिल काळातील नियम व अटी शर्ती करून कसे सुरु केले जातील हे देखील जिल्हाधिकारी यांना सांगितले जाईल असे आश्वासित कॉग्रेस शिष्टमंडळाला केले. सदर निवेदनाच्या प्रति मुख्यमंत्री ना. उध्दव ठाकरे, महसूल मंत्री ना. बाळासाहेब थोरात, प्रदेश काँग्रेसचे अध्यक्ष नाना पटोले यांना पाठविण्यात आले आहे.