लासुरे येथे शेत शिवारात गळफास लावून ३२ वर्षीय तरुणाची आत्महत्या.
दिलीप जैन.(पाचोरा)
दिनांक~१८/०५/२०२३
पाचोरा तालुक्यातील लासुरे येथील शेत शिवारात एका ३२ वर्षीय तरुणाने झाडाला गळफास लावून आपली जीवनयात्रा संपविल्याची घटना समोर आली असून घटनेप्रकरणी पिंपळगाव (हरेश्वर) पोलिस स्टेशनमध्ये अकस्मात मृत्यूची नोंद करण्यात आली आहे.
याबाबत सविस्तर वृत्त असे की, लासुरे ता. पाचोरा येथील सुरज भारत देवरे (वय वर्षे ३२) हा तरुण गुजराथ येथे खाजगी वाहन चालकाची नौकरी करुन परिवाराचा उदरनिर्वाह चालवत होता. गेल्या तीन दिवसांपुर्वी सुरज हा लासुरे येथे आला होता. दरम्यान १८ मे रोजी लासुरे येथील शेत शिवारात एक तरुण झाडाला गळफास घेतलेल्या अवस्थेत असल्याची माहिती वाणेगाव येथील शेतकऱ्याने दिल्यानंतर घटनास्थळ गाठले.
घटनास्थळी जाऊन पाहिले असता संबंधित तरुण हा लासुरे येथील सुरज देवरे याने गळफास घेतल्याचे निष्पन्न झाले. सुरज यास पाचोरा येथील जयमल्हार रुग्णवाहिका चालक अमोल पाटील यांच्या मदतीने पाचोरा ग्रामीण रुग्णालयात दाखल केले असता वैद्यकीय अधिकारी यांनी सुरज यास मृत घोषित केले. या घटनेप्रकरणी पिंपळगाव (हरेश्वर) पोलिस स्टेशनमध्ये अकस्मात मृत्यूची नोंद करण्यात आली आहे. सुरज याचे पाश्चात्य सावत्र आई, एक भाऊ, एक बहीण असा परिवार असुन सुरज याने आत्महत्ये सारखे टोकाचे पाऊल का उचलले ? हे मात्र अद्याप स्पष्ट होऊ शकले नाही.