दिलीप जैन.(पाचोरा)
दिनांक~०७/०४/२०२२

महाराष्ट्राच्या राजकारणातील लबाड बोबड्या महाराष्ट्रद्रोही भारतीय जनता पक्षाचे खासदार किरीट सोमैया यांनी आय. एन. एस विक्रांतच्या नावाखाली गोळा केलेल्या पैशांचा घोटाळा करून देशाशी गद्दारी केली आहे. त्याच्याविरोधात देशद्रोहाचा गुन्हा दाखल करून त्वरीत तुरुंगात टाका अशा प्रमूख मागणी साठी पाचोरा, भडगाव तालुक्याचे आमदार मा. श्री. किशोर आप्पा पाटील यांच्या प्रमुख मार्गदर्शनाखाली तसेच मा. श्री. मुकुंद आण्णा बिल्दीकर व युवा नेते मा.श्री. सुमितदादा किशोर आप्पा पाटील यांच्या नेतृत्वाखाली पाचोरा शिवसेनेतर्फे आज तहसीलदार मा. श्री. कैलासजी चावडे यांना निवेदन देण्यात आले. यावेळी खासदार किरीट सोमय्यांचे छायाचित्र असलेल्या बॅनरला महिला पदाधिकाऱ्यांकडून चपलांचा चोप देण्यात आला तसेच त्यांच्या पुतळ्याचे दहन करण्यात आले.

शिवसेनेतर्फे देण्यात आलेल्या सदरील निवेदनात म्हटले आहे की, २०१३ मध्ये आय.एन.एस. विक्रांत वाचवण्यासाठी केंद्र व राज्यसरकारने असमर्थता दर्शवल्यानंतर किरीट सोमय्या पुढे आले व त्यांनी विक्रांत वाचवण्यासाठी निधी गोळा करण्यासाठी मोहीम सुरू केली या मोहिमेत त्यांनी रेल्व स्थानक, विमानतळावर डबे घेऊन उभे राहिले यावेळी आय. एन. एस. विक्रांत हा देशाच्या दृष्टीने महत्त्वाचा व अभिमानाचा विषय असल्याकारणाने देशवासियांनी उदार मनाने सढळ हस्ते दान केले यात नेव्हीनगरमध्ये राहणाऱ्या नौदलाच्या अनेक अधिकाऱ्यांनी प्रत्येकी ५ ते १० हजार रुपये निधी सढळ हाताने दिला होता .

मात्र किरीट सोमय्यांनी या जमा झालेल्या निधीचे काय केलं ते देशाला समजायला हवं, कारण या निधीतून मिळणाऱ्या रकमेतून भंगारात जाऊ पाहणाऱ्या विक्रांत युध्द नौकेचे स्मारक
बनविण्याकरिता हा निधी राजभवन येथे जमा करणे गरजेचे होते मात्र किरीट सोमय्याने या निधीतून गोळा केलेली रक्कम राजभवनाला
मिळाली नसल्याचा प्रकार आर. टी. आय. मधून समोर आला
आहे. हा प्रकार लक्षात येताच किरीट सोमय्या यांनी देशाशी गद्दारी करत देशप्रेमाशी खेळ खेळून देशवासियांच्या भावनांशी गद्दारी केली असल्याने त्याच्या विरोधात देशद्रोहाचा गुन्हा दाखल व्हायला हवा अशी मागणी शिवसेनेच्या वतीने करण्यात आली आहे.

कारण किरीट सोमय्याने आय. एन. एस. विक्रांतच्या नावाखाली गोळा केलेल्या निधीचं काय झालं ? हा प्रश्न महत्त्वाचा आहे. कारण तो देशाच्या सुरक्षेशी संबंधित विषय आहे. लोकांनी मोठ्या विश्वासानं विक्रांत वाचवण्यासाठी देणगी दिली होती परंतु राजभवनान आपल्याला किरीट सोमय्याकडून कोणताच निधी मिळाला नसल्याचे स्पष्ट केले आहे. मग हा पैसा कोणाच्या खिशात गेला ? हा पैसा कोणी खाल्ला ? ह्याची उत्तरे राज्यातील जनतेला मिळायलाच हवीत. कारण या घोटाळ्यात किरीट सोमय्यांने अंदाजे १०० कोटींचा घोटाळा करून हे पैसे त्याच्या बांधकाम व्यवसायात गुंतवले आहेत असा आरोप करत देशद्रोही किरीट सोमय्यावर तात्काळ गुन्हा दाखल करण्यात यावा या मागणीसाठी आम्ही निवेदन देत आहोत असे शिवसेनेने निवेदनात म्हटले आहे.

हे निवेदन देतेवेळी शिवसेनेचे पाचोरा शहरप्रमुख किशोर बारवकर, बंडू चौधरी, बापू हटकर, गंगाराम पाटील, अनिल सावंत, गजू पाटील, रवी केसवाणी, प्रवीणजी ब्राह्मणे, बापू निंबाळकर, पप्पू जाधव, युवासेना पाचोरा शहरप्रमुख संदीपराजे पाटील, जितू पेंढारकर, वैभव राजपूत, आण्णा चौधरी, जावेद देशमुख, तात्या चौधरी, प्रदीप पाटील, नितीन चौधरी, किशोर पाटील, सागर पाटील, आबा कुमावत, मयूर महाजन, रवी पाटील, प्रवीण पाटील, आकाश पाटील, पिंटू मराठे, भूषण पाटील, अक्षय जैन, निखिल भोई, संदीप पाटील, मोठ्या संख्येने शिवसेना, युवासेना, शिवसेना महिला आघाडीच्या सर्व कार्यकर्त्या, पदाधिकारी मोठ्या संख्येने उपस्थित होते.