सेवानिवृत्त जवान सुनील बच्छाव यांची गावातून भव्य मिरवणूक.
दिलीप जैन.(पाचोरा)
दिनांक~०७/११/२०२२
पाचोरा तालुक्यातील अंतुर्ली (नं.३) येथील सेवानिवृत्त जवानाची गावातून मिरवणूक काढण्यात आली असून २८ वर्ष देश सेवा करून सुखरूप घरी परतलेल्या जवानाचे गावकऱ्यांनी घरोघरी औक्षण केले. यावेळी ग्रामस्थांसह नातेवाईक मोठ्या प्रमाणात मिरवणुकीत सहभागी झाले होते.
पाचोरा शहरापासून जवळच असलेल्या अंतुर्ली (नं.३) येथील सुनील माणिक बच्छाव हे भारतीय सैन्य दलात सुभेदार पदावर कार्यरत होते. त्यांनी २८ वर्ष देश सेवा केल्यानंतर ते सेवानिवृत्त झाले असून दि.३ गुरुवार रोजी ते आपल्या गावी परतले. यावेळी ग्रामस्थांनी त्यांची गावातून मिरवणूक काढली. गावातील घरोघरी त्यांचे स्वागत करण्यात आले असून गावातील सर्व महिलांकडून त्यांचे औक्षण करण्यात आले. यावेळी डिजेच्या सहाय्याने देशभक्तीपर गित लावण्यात आल्यामुळे ग्रामस्थांमध्ये देशभक्तीविषयी भावना जागृत झाल्या होत्या. मिरवणुकीचा समारोप झाल्यानंतर उपस्थित सर्व मान्यवरांनी सुनील बच्छाव यांचा सत्कार करत मनोगत व्यक्त करून भावी आयुष्यासाठी शुभेच्छा दिल्या. याप्रसंगी ग्रामस्थासह नातेवाईक मंडळीची मोठ्याप्रमाणात उपस्थिती होती.
