वीज कडाडल्याने दिलीप जैन यांच्या घरातील विद्युत उपकरणे जळून खाक, अंदाजे चाळीस हजाराचे नुकसान.
दिलीप जैन.(पाचोरा)
दिनांक~१०/०९/२०२२
पाचोरा तालुक्यातील अंबे वडगाव येथे शनिवार रोजी रात्री अंदाजे १० वीजेच्या कडकडाटासह पावसाला सुरुवात झाली होती. याच वेळी अंदाजे रात्री १० ते १० वाजून १५ मिनिटांचे सुमारास वीजेचा जोरदारपणे आवाज होऊन लख्ख प्रकाश पडला व याच वेळी दिलीप जैन यांच्या घरातील विद्युत मीटर, कट आऊट बॉक्स, लाईट फिटिंगच्या वायरीसह, इन्व्हर्टर बॅटरी, फ्रिज, घरातील फिटिंग पट्ट्या, वायर, पंखे व लाईटचे सर्व बटन अशी सगळी फिटिंग जाऊन खाक झाल्याने अंदाजे चाळीस हजाराचे जवळपास नुकसान झाले आहे.
वीजेच्या कडकडाटाचा आवाज इतका भयंकर होता की दुमजली इमारत थरारुन गेली होती. विजेचा कडकडाट होत असल्याने घरातील सर्व भ्रमणध्वनी आधीच बंद करुन ठेवण्यात आले होते म्हणून पुढील अनर्थ टळला अंदाजे दिड मिनिटे घरात लख्ख प्रकाश पडला होता. सुदैवाने घरातील मंडळी सुखरूप आहे.