जळगाव जिल्ह्यातील १६७ ग्रामपंचायतीच्या सार्वत्रिक निवडणुका व १२८ रिक्त पदांसाठी पोटनिवडणुका जाहीर, आचारसंहिता लागू.
दिलीप जैन.(पाचोरा)
दिनांक~०३/१०/२०२३
जळगाव जिल्ह्यात १६७ ग्रामपंचायतीच्या सार्वत्रिक निवडणूका व
१२८ रिक्त पदांसाठी पोटनिवडणूका घेण्यात येणार असून आजपासून आचारसंहिता लागू करण्यात आली असून राज्य निवडणूक आयुक्त यू. पी. एस. मदान यांनी राज्यातील ग्रामपंचायत निवडणुकांबाबत नुकतीच घोषणा केली आहे. त्यानुसार राज्यातील सुमारे २३५९ ग्रामपंचायतींच्या सार्वत्रिक निवडणुका होणार आहेत. तसेच २०६८ ग्रामपंचायतीमधील २९५० सदस्य पदाच्या तर १३० सरपंचांच्या रिक्तपदांच्या पोटनिवडणुकाही होणार आहेत. यात जळगाव जिल्ह्यात १६७ ग्रामपंचायतींच्या सार्वत्रिक निवडणुका तर ८१ ग्रामपंचायतीच्या पोटनिवडणुकीत १२८ रिक्त पदांसाठी निवडणूका होणार आहेत. ५ नोव्हेंबर २०२३ रोजी या निवडणुकांसाठी मतदान होणार आहे.
आचारसंहिता लागू
सदर ग्रामपंचायतींच्या क्षेत्रात आजपासून म्हणजे ०३ ऑक्टोंबर २०२३ पासून आचारसंहिता लागू झाली आहे. १६ ते २० ऑक्टोबर २०२३ या कालावधीत नामनिर्देशनपत्रे दाखल करता येतील. या नामनिर्देशन पत्रांची छाननी २३ ऑक्टोबरला होईल. २५ ऑक्टोबर दुपारी तीन वाजेपर्यंत अर्ज मागे घेता येतील. २५ ऑक्टोबरलाच निवडणूक चिन्हांचे वाटप होईल. मतदानाची तारीख ५ नोव्हेंबर असणार आहे. सकाळी ७.३० ते सायंकाळी ५.३० या वेळेत मतदान प्रक्रिया पार पडेल. ७ नोव्हेंबर रोजी मतमोजणी होईल.
