दिलीप जैन.( पाचोरा )
महसूलमंत्री बाळासाहेब थोरातांनी केलेला मनमानी कारभारा चौव्हाट्यावर आल्याचा आरोप करत जळगाव जिल्हा जागृत जनमंच ने जाराजीनाम्याची मागणी केली असून पूढील बाबी समोर मांडल्या आहेत

१) नागपूर मैट कोर्टाने कालच निकाल दिला कि,
कोणतीही तक्रार नसलेल्या ,कार्यकाळ पुर्ण न झालेल्या ४० उपजिल्हाधिकारी आणि तहसीलदारांच्या बदल्या महसूलमंत्री थोरात यांनी केल्या.त्या बदल्या
नागपूर मैट हायकोर्टाने बेकायदेशीर ठरवल्या.वैयक्तिक स्वार्थासाठी पदाचा गैरवापर करून महाराष्ट्र गव्हर्मेंट सर्व्हंटस रेग्युलेशन आणि ट्रान्सफर एक्ट २००५ चे उल्लंघन केलेले आहे.
महसूलमंत्री थोरात यांच्या सहीने झालेल्या बदल्यांच्या विरोधात नागपूर प्रशासकीय विभागातील ४ उपजिल्हाधिकारी आणि ८ तहसीलदारांनी मैट मधे धाव घेतली होती.
नागपूर मैट कोर्टाने दिलेल्या आदेशात म्हटले आहे कि,नागपूर महसूली विभागात उपजिल्हाधिकारी व तहसीलदारांच्या केलेल्या बदल्या या बेकायदेशीर आहेत.या बदल्या नागरी सेवा मंडळाने तयार केलेल्या यादीनुसार नाहीत. तसेच या बदल्या करू नयेत असे स्पष्टपणे नागरी सेवा मंडळाने महसूल विभागाला कळवले होते.
तरीही थोरांतांनी या बदल्या केल्याच कशा?काय क्रायटेरीया लावला असेल ? याचे उत्तर जनतेला दिलेच पाहिजे. नाहीतर थोरात हे जनतेची,आधिकाऱ्यांची,सरकार ची फसवणूक करीत आहेत म्हणून राजीनामा द्यावा.

२) जळगाव चे तहसीलदार वैशाली हिंगे या २०१३ मधे भुसावळ चे तहसीलदार असताना शिंदी येथील इनामी जमीन विल्हेवाट करण्यासाठी १९लाख ५७ हजा ५०० रुपये नजराणा बुडवला.त्यासाठी त्यांनी कलेक्टर चे आधिकार परस्पर वापरले. अशी तक्रार भुसावळ चे प्रांताधिकारी यांनी जळगाव कलेक्टर कडे केली आहे.हा नजराणा बुडवला कि गटवला? याचे उत्तर महसूलमंत्री म्हणून थोरातांनी दिलेच पाहिजे.जर थोरात प्रामाणिकपणे जनतेला,सरकार ला सामोरा जात नसतील तर त्यांनी राजीनामा दिलाच पाहिजे.नजराणा महसूल बुडवणाऱ्या तहसीलदार वैशाली हिंगे यांच्यावर थोरात कारवाई का करीत नाहीत? काही देणेघेणे झाले आहे काय? याचे उत्तर थोरातांनी जनतेसमोर द्यावे.अन्यथा राजीनामा द्यावा.
३) कृषी विधेयक बील विरोधात कांग्रेस चे थोरात आंदोलन करीत आहेत.ते किती फसवे आहे?याचे हे उदाहरण!
शेतकऱ्यांना शेतावर जाण्यासाठी सरकार पाणंद रस्ते बनवते.त्या योजने अंतर्गत भडगाव तालुक्यातील ३३ रस्त्यांसाठी जळगाव कलेक्टर डॉ अविनाश ढाकणे यांनी ३३ लाख रूपये भडगाव चे तहसीलदार माधुरी आंधळे यांच्या नावे ट्रेझरीत टाकले.परंतु तहसीलदाराने रस्ते न बनवता खोटे दस्तावेज जोडून शेत पाणंद रस्यांचा निधी अपहार केला.ही बाब महसूलमंत्री थोरातांच्या निदर्शनास आणून दिली.तरीही थोरातांनी तहसीलदार माधुरी आंधळे यांच्याकडून वसुली केली नाही.कारवाई केली नाही. बदली केली नाही.का?
थोरात हे शेतकऱ्यांचे कैवारी आहेत कि चोरांचे?हे थोरातांनी जनतेसमोर सांगावे. नाहीतर राजीनामा द्यावा.असा अकार्यक्षम मंत्री हवाच कशाला?
४)जळगाव जिल्ह्यातील गौण खनिज आधिकारी दिलीप चव्हाण यांनी कोरे परमीट जिल्हा परिषदेच्या लघुसिंचन, बांधकाम विभागाला दिलेत.तेथील कार्यकारी अभियंता नाईक यांनी खोटी माहिती लिहीलेले परमीट दप्तरी जोडून मक्तेदाराला कामाचे बील पेमेंट अदा केले .त्यात रॉयल्टी भरल्याचा उल्लेख नाही. इनव्हाईस नंबर नाही. मुरुम ,दगड वाहाण्यासाठी दुचाकी,तिनचाकी वाहने वापरल्याची नोंद आहे. एकाच वाहनचालकाने एकाच वेळी दहा वाहने चालवण्याचा उल्लेख आहे.पाचोरा तहसीलदाराचा बोगस शिक्का उमटवलेला आहे. परमीट खाली सही खाली गौण खनिज आधिकारीचे नांव नाही. तारीख नाही.
असे कोरे परमीट दिलेच कसे? बोगस परमीट ग्राह्य मानलेच कसे? यामुळे महसूल खात्याने रॉयल्टी बुडवली आहे.
रॉयल्टी बुडवली,बुडाली तथी महसूलमंत्री थोरात कारवाई का करीत नाहीत? हे जनतेसमोर थोरातांनी सांगावे. नाहीतरी राजीनामा द्यावा.
रॉयल्टी ची रक्कम वसुल केलीच पाहिजे.
५)महसूल खाते हे प्रशासनाचे प्रमुख खाते आहे. थोरातांनी रूसजन फुगून महसूल खात्याचे मंत्री पद मिळवले.पण कशासाठी? जनतेच्या सेवेसाठी कि वैयक्तिक आर्थिक हितासाठी?हे थोरातांनी जनतेला सांगावे.नसेल तितके नैतिक बळ तर राजीनामा द्यावा.
थोरातसाहेब यांनी एक वर्षात महसूल खात्याचे कोणतेही विधायक काम केले नाही.कोणतेही विधेयक विधानसभेत मांडले नाही. सरकारी मानधन,गाडी,भत्ता,सेक्युरीटी ची रक्कम बेकार घालवली.
असे अकार्यक्षम मंत्री हवेत कशाला?
६) बाळासाहेब थोरातसाहेब हे महसूलमंत्री आहेत.या निमीत्ताने ते शासकीय कार्यालय, वाहने,मानधन,सेक्युरीटी यांचा उपयोग करीत आहेत.त्यांनी पुर्णवेळ शासनाची जबाबदारी स्विकारली म्हणून त्यांना मानधन दिले जाते.ते मानधन म्हणजे सप्रेम भेट नाही. खैरात नाही. भिक्षा नाही. तो आहे कामाचा मोबदला.मग हाच मोबदला घेऊन ते कांग्रेस प्रदेश अध्यक्ष या पदावरून पक्षासाठी काम करीत आहेत.हा शासकीय मानधन, वाहन,सेक्युरीटी याचा गैरवापर होत आहे. एकतर पुर्णवेळ मंत्री म्हणून काम करावे किंवा मंत्रीपदाचा राजीनामा देऊन पक्षसंघटनेचे काम करावे.
७)जळगाव जिल्ह्यातील महसूल खात्यातील भ्रष्टाचार बाबत तक्रारी करण्यासाठी आम्ही संगमनेर पर्यंत थोरांतांचा पाठलाग केला.पण भ्रष्टाचार लपवण्याच्या हेतूने किंवा नैतिक बळ नसल्याने थोरातसाहेबांनी पळ काढला. नागरिकांना भेटत नाहीत. भीतीने पळ काढतात.माहिती लपवण्याचा हा प्रयत्न आहे.हे मंत्रीपदास अशोभनीय आहे.थोरातसाहेब सर्वाधिक अकार्यक्षम मंत्री आहेत.
महसूलमंत्री बाळासाहेब थोरात यांनी राजीनामा दिलाच पाहिजे.

दिपक गुप्ता. विजय दोधा पाटील.डॉ सरोज पाटील.शिवराम पाटील.