दिलीप जैन.(पाचोरा)
दिनांक~०४/१०/२०२१

पिंपळगाव हरेश्वर पोलीस स्टेशनचे सहाय्यक पोलीस निरीक्षक मा.श्री.कृष्णा भोये यांना मिळालेल्या गुप्त माहितीवरून उपनिरीक्षक मा।श्री. दिगंबर थोरात यांच्यासोबत पोलिस रणजीत पाटील, संदीप राजपूत, पंकज सोनवणे आदींच्या पथकाने गोपनीयता पाळून शिंदाड शिवारात नाल्याच्या काठावर केटी, वेअर जवळ गावठी दारू अड्ड्यावर असलेल्या गावठी हातभट्टी चालवत असतांना धाड टाकून एकाला रंगेहात पकडले. त्याची हातभट्टी नेस्तनाबूत करण्यात आली. या धाडीत कच्चा रसायन साठा व गावठी दारू जप्त करण्यात आली.

यात १)९३६०/-रु कि. चे १५ लिटर मापाच्या २४ प्लास्टिकचे कॅनमध्ये प्रत्येकी १३ लिटर प्रमाणे ३१२ लिटर गुळ नवसागर मिश्रीत कच्चे रसायण २) ७५०/- रु. कि. ची एका २० लिटर मापाच्या प्लॅस्टीकची कॅन मध्ये १५ लिटर गाहमची तयार दारु. —-१०,११०/-रुपये एकूण.. वरील प्रमाणे वरील वर्णनाचा व किं.चा मुद्देमाल आरोपी याचे कडून जप्त करून घेतला. त्या मालातील सी.ए नमुन्याकरीता दोन काचेची १८० मिली बाटली घेउन त्या बाटलीत कच्चे रसायण तसेच गावठी हातभट्टीची तयार दारू भरून तिला सीलबंद करून पंचाचे समक्ष सह्यांचे कागदी लेबल लावण्यात आले. तसेच नाल्याच्या काठाजवळ मिळुन आलेले उर्वरीत कच्चे रसायन पंचासमक्ष नष्ट करण्यात आले.

सापडलेला माल व आरोपीला ताब्यात घेऊ आरोपीच्या विरुध्द महाराष्ट्र दारु बंदि अधिनियम कायदा कलम ६५ (फ) (ई) प्रमाणे गुन्हा दाखल करण्यात आला.

पिंपळगाव हरेश्वर पोलीस स्टेशनला मा.श्री. कृष्णा भोये यांनी पदभार स्विकारल्यापासून कायद्याचे सुदर्शन हाती घेत सर्वच अवैधधंद्यांच्या विरोधात धडक म्हणण्यापेक्षा बेधडकपणे कारवाई सुरु केल्याने सुज्ञ नागरिक, महिलावर्ग व जनमानसातून पिंपळगाव हरेश्वर पोलीसांचे अभिनंदन केले जात असून समाधान व्यक्त केले आहे.

(अवैधधंदे कळवा नक्कीच कारवाई होईल.)
पिंपळगाव हरेश्वर पोलीस स्टेशनचे सहाय्यक पोलीस निरीक्षक मा.श्री.कृष्णा भोये साहेब यांनी अवैधधंदे कळवा नक्कीच कारवाई होईल असे आवाहन केले असून अवैध धंदे कळवा आम्ही नक्कीच कारवाई करू असे आश्वासन दिले आहे.