दिलीप जैन.(पाचोरा)
दिनांक~२६/०५/२०२१

पाचोरा शहरातील कृष्णपुरी भागातील डॉ राहुल झेरवाल यांच्या सिद्धिविनायक हॉस्पिटलला आजरोजी चारवर्ष यशस्वीरीत्या पूर्ण होऊन आज पाचव्या वर्षात पदार्पण होत आहे.

पाचोरा शहरात कृष्णापुरी भागात डॉ. राहुल प्रभाकर झेरवाल हे मागील चार वर्षांपासून शहर व तालुक्यातील रुग्णांना रात्रंदिवस सेवा देत आहेत. गेल्या चारवर्षात त्यांच्याकडे आलेल्या पिडीत रुग्णांना त्यांनी अत्यल्प दरात सेवा देऊन पीडामुक्त केले आहे. या सिद्धिविनायक हॉस्पिटलमध्ये अनेक आजारांवर उपचार केला जातात. अनेक प्रकारच्या अत्यावश्यक सेवांचा यात समावेश असून उपचारादरम्यान ज्या सोईसुविधा मिळवण्यासाठी जळगाव सारख्या ठिकाणी धाव घ्यावी लागत होती ती सुविधि सिध्दीविनायक हॉस्पिटलमध्ये उपलब्ध असल्याने रुग्णांना त्वरित उपचार मिळत आहेत.

ऐन कोरोना काळात केली नॉन कोविड रुग्णांची सेवा

कोरोना काळात पाचोरा शहरातील जवळ जवळ सर्वच हॉस्पिटल कोरोना बाधित रुग्णांसाठी राखीव झाले असतांना व इतर आजाराचे रुग्ण उपचारासाठी कुठे जावे या विवंचनेत असतांनाच या कठीण काळात सिद्धिविनायक हॉस्पिटलचे संचालक डॉ. राहुल झेरवाल यांनी नॉन कोविड रुग्णांना अहोरात्र सेवा दिली. ही सेवा देत असतांनाच हालाखीची परिस्थिती असलेल्या बऱ्यापैकी रुग्णांना अत्यल्प दरात उपचार करून जीवदान दिले आहे. कोरोना काळात सगळीकडे भीतीयुक्त वातावरण असतांना नॉन कोविड रुग्णांना येथे सेवा मिळाल्याने रुग्णांसाठी सिध्दीविनायक हॉस्पिटल हे एकमेव असल्याने याबद्दल जनतेतून डॉ. राहूल झेरवाल यांचे पंचक्रोशीतून अभिनंदन होत आहे.

अविरत सेवा देण्याचा प्रयत्न करणार: डॉ राहुल झेरवाल

रुग्णसेवा हीच ईश्वर सेवा समजून भविष्यातही रुग्णांची अविरत सेवा करणार असल्याचे सांगत कमीत कमी दरात रुग्णांना उपचार देऊन त्यांना व्याधीमुक्त करणे हे माझे प्रथम ध्येय व कर्तव्य समजून मी गोर, गरीब, गरजूंच्या मदतीसाठी व उपचारासाठी सदैव तत्पर व तयार असेल असे मत त्यांनी व्यक्त केले.