दिलीप जैन.(पाचोरा)
दिनांक~०८/०५/२०२१

पाचोरा तालुक्यातील अंबे वडगाव येथे गावातील सांडपाणी वाहून जाण्यासाठी भुमिगत गटारी बनवण्यात आल्या असून मागील एक महिन्यापासून श्रीमती चिंधिबाई मराठे यांच्या घरासमोर व दिलीप जैन यांच्या घराजवळ सांडपाण्याच्या गटारीचा पाईप फुटल्याने याठिकाणी सांडपाण्याचे मोठे डबके तयार होऊन या परिसरात डासांचा उपद्रव वाढला असून दुर्गंधी पसरली आहे.

याबाबत ग्रामपंचायत सरपंच व ग्रामसेवक यांच्या कडे सांडपाण्याच्या गटारीचा पाईप दुरुस्ती करण्यासाठी वारंवार सांगूनही अद्यापपर्यंत गटारींची दुरुस्ती करण्यात आलेली नाही. म्हणून श्रीमती चिंधिबाई मराठे व दिलीप जैन यांना अनेक अडचणींना सामोरे जावे लागत असून दुर्गंधी व डासांचा त्रास होत असल्याने आरोग्याचा प्रश्न उपस्थिती झाला आहे.

सतत एक महिन्यापासून वारंवार सांगूनही ग्रामपंचायतीने अद्यापपर्यंत सांडपाण्याच्या गटारीचा पाईप दुरुस्तीसाठी कोणत्याही हालचाली केल्या नसल्याने याठिकाणी पाण्याचे मोठे डबके साचले आहे. तसेच उद्या दिनांक ०९ मे रविवारी दिलीप जैन. यांच्या मुलाचा वाढदिवस असल्याने या सांडपाण्याच्या डबक्यात गप्पी मासे सोडून ग्रामपंचायतीचा निषेध नोंदवणार आहे. तरी आपणही लॉकडाऊचे व सोशल डिस्टेंसिंगचे नियम पाळत या कार्यक्रमाला सायंकाळी सहा वाजता उपस्थित रहावे अशी आग्रहाची विनंती दिलीप जैन यांनी केली आहे.