दिलीप जैन.(पाचोरा)
दिनांक~२७/११/२०२५

महाराष्ट्र राज्याचे उपमुख्यमंत्री मा. ना. श्री. एकनाथ शिंदे यांचा आज २७ नोव्हेंबर २०२५ गुरुवार रोजी जळगाव जिल्ह्यातील विविध तालुक्यांचा दौरा आयोजित करण्यात आला आहे. जिल्हाधिकारी कार्यालय, जळगाव (राजशिष्टाचार कक्ष) यांच्यामार्फत हा दौरा कार्यक्रम जाहीर करण्यात आला आहे.

कार्यक्रमानुसार उपमुख्यमंत्री एकनाथ शिंदे हे सकाळी १०.३० वाजता मुंबई/ठाणे येथील निवासस्थानावरून मोटारीने मुंबई विमानतळाकडे रवाना होतील. सकाळी ११.०० वाजता मुंबई विमानतळावर आगमन झाल्यानंतर ते विमानाने जळगाव विमानतळाकडे प्रयाण करतील. दुपारी १२.०० वाजता जळगाव विमानतळावर आगमन झाल्यानंतर हेलिकॉप्टरने ते तळोदा, जिल्हा नंदुरबारकडे रवाना होतील.

त्यानंतर दुपारी २.०० वाजता भारत मिल कंपाऊंड हेलिपॅड, नंदुरबार येथे आगमन होईल. येथून ते हेलिकॉप्टरने मुक्ताईनगरकडे प्रयाण करतील. दुपारी २.४५ वाजता संत मुक्ताबाई आर्ट्स अँड कॉमर्स कॉलेज हेलिपॅड, मुक्ताईनगर येथे आगमन होऊन मोटारीने कार्यक्रमस्थळाकडे रवाना होतील.

दुपारी ३.०० वाजता मुक्ताईनगर येथे पहिली जाहीर सभा पार पडणार असून, ही सभा जे.डी.सी.सी. बँक चौक, भुसावळ रोड, मुक्ताईनगर येथे होणार आहे. या सभेचे संदर्भ आमदार श्री. चंद्रकांत पाटील व शिवसेना सचिव श्री. संजय मोरे यांचे आहेत.

यानंतर दुपारी ३.३० वाजता उपमुख्यमंत्री मोटारीने पुन्हा कॉलेज हेलिपॅडकडे रवाना होतील. दुपारी ३.३५ वाजता ते हेलिकॉप्टरने भडगावकडे प्रयाण करतील. सायंकाळी ४.१० वाजता भडगाव क्रीडा संकुल मैदान हेलिपॅड येथे आगमनानंतर मोटारीने कार्यक्रमस्थळाकडे जातील.

सायंकाळी ४.१५ वाजता भडगाव येथे दुसरी जाहीर सभा आयोजित करण्यात आली असून, ती आकाश मॉल जवळ, पारोळा रोड, भडगाव येथे होणार आहे. या सभेचे संदर्भ आमदार श्री. किशोर पाटील व शिवसेना सचिव श्री. संजय मोरे यांचे आहेत.

यानंतर उपमुख्यमंत्री सायंकाळी ४.३५ वाजता पाचोऱ्याकडे मोटारीने रवाना होतील. सायंकाळी ५.०० वाजता पाचोरा येथे तिसरी जाहीर सभा घेण्यात येणार आहे. ही सभा छत्रपती शिवाजी महाराज चौक, पाचोरा येथे होईल. या सभेचेही संदर्भ आमदार श्री. किशोर पाटील व शिवसेना सचिव श्री. संजय मोरे यांचे आहेत.

सभा आटोपल्यानंतर सायंकाळी ५.२० वाजता उपमुख्यमंत्री भडगाव येथील क्रीडा संकुल हेलिपॅडकडे मोटारीने रवाना होतील. सायंकाळी ५.३० वाजता तेथे आगमन झाल्यानंतर हेलिकॉप्टरने जळगाव विमानतळाकडे प्रयाण होईल. सायंकाळी ५.५० वाजता जळगाव विमानतळावर आगमन झाल्यानंतर विमानाने शिर्डी विमानतळाकडे रवाना होणार असल्याचे राजशिष्टाचार विभागाने कळविले आहे.

उपमुख्यमंत्री एकनाथ शिंदे यांच्या या दौऱ्यामुळे मुक्ताईनगर, भडगाव व पाचोरा येथे राजकीय वातावरण तापण्याची चिन्हे असून, त्यांच्या जाहीर सभांकडे कार्यकर्ते व नागरिकांचे लक्ष लागून राहिले आहे.