गरुड महाविद्यालयात एक दिवसीय स्वच्छता कार्यशाळा संपन्न.

दिलीप जैन.(पाचोरा)
दिनांक~२७/०१/२०२५
महिला आरोग्य संवर्धन ऋतुमती अभियाना अंतर्गत अप्पासाहेब रघुनाथराव गरुड कला, वाणिज्य आणि विज्ञान महाविद्यालयात वाणिज्य विभागाच्या डॉ. सुजाता पाटील यांच्या अध्यक्षतेखाली एक दिवसीय स्वच्छता कार्यशाळा आयोजित करण्यात आलेली होती. महाविद्यालयातील विद्यार्थिनींनी स्वच्छता राखून स्वतःच्या आरोग्याची काळजी कशी घ्यावी. आरोग्याची काळजी घेण त्यांच्यासाठी का आवश्यक आहे हे पटवून देण्यासाठी या एक दिवसीय स्वच्छता कार्यशाळेचे आयोजन करण्यात आले होते.
या कार्यशाळेत विद्यार्थीनींनी वाढत्या वयाबरोबर येणाऱ्या मासिक पाळीच्या वेळात स्वच्छतेकडे अधिक लक्ष दिले पाहिजे या सोबतच मासिक पाळीच्या काळात जास्त कष्टदायक कामे टाळली पाहिजे व सकस आहार आहार घेऊन स्वतासाठी पूरेपूर वेळ काढून स्वच्छतेकडे लक्ष दिले पाहिजे असा सल्ला प्रा. वर्षा लोखंडे यांनी दिला. तसेच महाविद्यालयीन मुलींना ज्याप्रमाणे शारीरिक स्वच्छता महत्त्वाची आहे त्याच पध्दतीने मानसिक स्वच्छतेची ही आवश्यकता आहे असे प्रतिपादन प्रा. छाया पाटील यांनी केले.
आप्पासाहेब रघुनाथराव गरुड कला आणि वाणिज्य विज्ञान महाविद्यालयाला ऋतुमती अभियान अंतर्गत कार्यक्रमाच्या आयोजनाची संधी दिली त्याबद्दल विद्यापीठाचे आभार व्यक्त करण्यात आले. कार्यक्रमाचे सूत्रसंचालन जागृती गुजर या विद्यार्थिनींनी केले.
सदर कार्यक्रमात विद्यार्थिनींच्या रक्त चाचण्या करून आलेले अहवाल विद्यार्थिनींना वाटण्यात आले. या चाचण्यांमध्ये ज्या विद्यार्थिनींचे हिमोग्लोबिन कमी प्रमाणात आढळले अशा विद्यार्थिनींना विशेष काळजी घेण्यासाठीचे उपाय सांगण्यात आले. कार्यक्रमासाठी मोठ्या संख्येने विद्यार्थिनी उपस्थित होत्या.
कार्यक्रमाचे प्रास्ताविक विद्यार्थी विकास अधिकारी डॉ. योगिता चौधरी यांनी आपल्या प्रास्ताविकात कवयित्री बहिणाबाई चौधरी उत्तर महाराष्ट्र विद्यापीठ जळगाव यांनी महाविद्यालयाला ऋतुमती अभियान अंतर्गत कार्यक्रम आयोजनाची संधी दिली त्याबद्दल विद्यापीठाचे आभार व्यक्त केले. कार्यक्रमाचे सूत्रसंचालन जागृती गुजर या विद्यार्थिनींनी केले.
सदर कार्यक्रमात विद्यार्थिनींच्या रक्त चाचण्या करून आलेले अहवाल विद्यार्थिनींना वाटण्यात आले. या चाचण्यांमध्ये ज्या विद्यार्थिनींचे हिमोग्लोबिन कमी प्रमाणात आढळले अशा विद्यार्थिनींना विशेष काळजी घेण्यासाठीचे उपाय सांगण्यात आले. कार्यक्रमासाठी मोठ्या संख्येने विद्यार्थिनी उपस्थित होत्या.