दिलीप जैन.(पाचोरा)
दिनांक~०९/०१/२०२५

जामनेर येथून जवळच असलेल्या मांडवे दिगर येथे बंजारा समाजाची कुलस्वामिनी असलेल्या मोती माता देवीचे जागृत देवस्थान असून या देवीचा यात्रोत्सव सालाबादप्रमाणे मोती माता मंदिर ट्रस्ट,मांडवे दिगर तर्फे यावर्षी देखील शाकंभरी(पौष) पौर्णिमेला म्हणजेच दिनांक १३ आणि १४ जानेवारी २०२५ रोजी साजरा करण्यात येणार आहे.

या यात्रोत्सवात संपूर्ण खान्देश व राज्यातील बंजारा समाजबांधव आणि अन्य समाजबांधव मोठ्या संख्येने सामील होत असतात. या यात्रोत्सवाला जय सेवालाल बहुउद्देशीय संस्थेचे संस्थापक अध्यक्ष तथा महाराष्ट्र राज्य दिव्यांग अधिकारी, कर्मचारी संघटनेचे मुंबई विभागीय अध्यक्ष मा. अशोकराव चव्हाण सर्व पदाधिकारी, स्थानिक पोलिस पाटील रविंद्रजी पवार, तंटामुक्ती अध्यक्ष, ग्रामपंचायतीचे सरपंच, उपसरपंच, सर्व सन्माननीय ग्रामपंचायत सदस्य तसेच गावातील युवक मंडळ,सामाजिक कार्यकर्ते व भुसावळ तालुका पोलिस प्रशासन यांचे सहकार्य असते.

या निमित्ताने देवस्थान परिसरामध्ये सर्व व्यापारी, मिठाई दुकानदार, भांडी,खेळणी दुकानदार, इत्यादी
व्यावसायिक यांनी आपली दुकाने घेऊन यावे व यात्रेची शोभा वाढवावी असे आवाहन मोती माता देवस्थान ट्रस्टचे अध्यक्ष मा. सरीचंद पवार, उपाध्यक्ष मा. गजानन पवार, सचिव मा. गोविंद पवार, खजिनदार मा. चरणदास पवार, सहसचिव सौ. संत्रीबाई पवार, सदस्य मा. हरिभाऊ पवार, मा. भगवान पवार, मा.गणेश पवार, यांच्यासह सर्व पदाधिकारी व संचालक मंडळ यांनी दिलेल्या प्रसिद्धी पत्रकाद्वारे आवाहन करण्यात आले आहे.