महाराष्ट्र पोलीस स्थापना दिनानिमित्त, पाचोरा रोटरी क्लब तर्फे आयोजित रक्तदान शिबीर संपन्न.

दिलीप जैन.(पाचोरा)
दिनांक~०८/०१/२०२५
महाराष्ट्र पोलीस दिनानिमित्त पाचोरा, भडगाव रोटरी क्लब व जळगाव येथील रेड क्रॉस सोसायटीच्या संयुक्त विद्यमाने दिनांक ०८ जानेवारी २०२५ बुधवार रोजी पाचोरा पोलीस स्टेशनमध्ये रक्तदान शिबिराचे आयोजन करण्यात आले होते. या रक्तदान शिबिरात ७५ रक्तदात्यांनी स्वयंस्फूर्तीने रक्तदान केले.
या शिबिराचे सुरवातीला उपस्थित मान्यवरांचा सत्कार करुन पाचोराचे प्रांताधिकारी मा. भूषण अहिरे यांच्या हस्ते प्रथम रक्तदात्याच्या नावाची नोंद करुन तसेच पाचोरा येथील आदर्श मेडिकलचे संचालक कै. कन्हैयालाल प्रजापत यांचे आठ डिसेंबरला एक महिन्यापूर्वी दुःख निधन झाले होते. म्हणून वडिलांच्या स्मृतीप्रीत्यर्थ सौ. पिंकी जिनोदिया यांनी रक्तदान करुन शिबीराचे उद्घाटन केले व महिलांसाठी एक नवा आदर्श निर्माण केला.
या रक्तदान शिबिरात प्रांताधिकारी मा. भुषण अहिरे, पोलीस निरीक्षक मा. अशोक पवार, पाचोरा पोलीस स्टेशनमध्ये कार्यरत असलेले ज्येष्ठ अधिकारी व कर्मचारी, महसूल विभागातील अधिकारी, रोटरी क्लब पाचोरा, भडगावचे डॉ. पवनसींग पाटील, रोटरी क्लबचे वैद्यकीय क्षेत्रातील अन्य सदस्य, पोलीस पाटील, महिला, पुरुष होमगार्ड, कर्मचारी महिला, पुरुष व इतर रक्तदात्यांनी स्वयंस्फूर्तीने रक्तदान करुन सहभाग नोंदवला.
याप्रसंगी उपविभागीय पोलीस अधिकारी धनंजय येरुळे, रोटरी क्लबचे अध्यक्ष डॉ. पवनसींग पाटील, सेक्रेटरी डॉ. शिवाजी शिंदे, प्रोजेक्ट डायरेक्टर डॉ. गोरख महाजन, तहसीलदार विजय बनसोडे, पोलीस निरीक्षक अशोक पवार, सहाय्यक पोलीस निरीक्षक दिनेश भदाणे, उपनिरीक्षक योगेश गणगे, उपनिरीक्षक प्रकाश चव्हाणके, सहाय्यक उपनिरीक्षक परशुराम दळवी तसेच होमगार्ड तालुका समादेशक चंद्रकांत महाजन, पलटण नायक लक्ष्मण पाटील, पोलीस पाटील संघटनेचे अध्यक्ष प्रतापराव ठाकरे, ग्रामीण रुग्णालयाचे वैद्यकीय अधीक्षक डॉ सतीश टाक, वैद्यकीय अधिकारी अमित साळुंखे उपस्थित होते.
या शिबिराला रोटरी क्लबचे ज्येष्ठ सदस्य चंद्रकांत लोढाया, राजेश मोर, भरत काका सिनकर, डॉ.
घनश्याम चौधरी, डॉ. मुकेश तेली, डॉ.अजयसिंग परदेशी, डॉ. तौसीफ खाटीक, डॉ. राहुल काटकर, इंजीनियर गिरीश दुसाने, निलेश कोटेचा, पिंकी जीनोदिया, प्रदीप पाटील, डॉ. प्रशांत पाटील, डॉ. अमोल जाधव, डॉ. बाळकृष्ण पाटील, चंद्रकांत पाटील सर, आदी रोटरी सदस्य उपस्थित होते.
इंडियन रेड क्रॉस सोसायटी जळगाव शाखेच्या वतीने रक्त संकलक अधिकारी डॉक्टर प्रकाश जैन दिनेश कांबळे सीमा शिंदे किरण बाविस्कर व अन्वर खान यांनी सहकार्य केले. शिबिराच्या यशस्वीतेसाठी पाचोरा पोलीस ठाण्याचे दीपक पाटील, योगेश पाटील, भोजराज धनगर, योगेश शिंपी, होमगार्ड कपिल पाटील आदींनी परिश्रम घेतले.