दहावी, बारावीच्या अंतिम परीक्षांचे वेळापत्रक जाहीर.
दिलीप जैन.(पाचोरा)
दिनांक~०१/११/२०२३
दहावी, बारावीच्या अंतिम परीक्षांचे वेळापत्रक जाहीर जाहीर झाले असून राज्य माध्यमिक आणि उच्च माध्यमिक शिक्षण बोर्डाने आगामी वर्षी होणाऱ्या दहावी आणि बारावीच्या अंतिम परीक्षांचे वेळापत्रक जाहीर केले आहे. अंतिम वेळापत्रकानुसार बारावी बोर्ड परीक्षा २१ फेब्रुवारी ते १९ मार्च २०२४ दरम्यान होणार आहे. तर दहावी बोर्ड परीक्षा १ मार्च ते २६ मार्च २०२४ दरम्यान घेतली जाणार आहे.
परीक्षांचे सविस्तर वेळापत्रक उद्यापासून मंडळाची अधिकृत वेबसाईट www.mahasscboard.in वर उपलब्ध होणार आहे. फेब्रुवारी-मार्च २०२४ मध्ये महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर व कोकण या या नऊ विभागीय मंडळामार्फत घेण्यात येणाऱ्या माध्यमिक शालान्त प्रमाणपत्र (१० वी) व उच्च माध्यमिक प्रमाणपत्र (१२ वी) लेखी परीक्षांचे वेळापत्रक देण्यात आले आहे. याआधी शाळा आणि कनिष्ठ महाविद्यालयांना तसंच विद्यार्थ्यांना अभ्यासक्रमाचे नियोजन करण्याच्या आणि विद्यार्थ्यांच्या मनावरील ताण कमी होण्याच्या दृष्टीने बोर्डाने संभाव्य वेळापत्रक जाहीर केले होते. आज अंतिम वेळापत्रक जाहीर करण्यात आले आहे. प्रात्यक्षिक परीक्षा, श्रेणी, तोंडी परीक्षा आणि अन्य विषयांचे वेळापत्रकही जाहीर करण्यात आले आहे.
