दिलीप जैन.(पाचोरा)
लोहारा तालुका पाचोरा येथे माणुसकी रुग्णसेवा समुहातर्फे समाजसेवक गजानन क्षीरसागर यांच्या वाढदिवसानिमित्ताने दिनांक १६ नोव्हेंबर सोमवरी लोहारा येथील जिल्हापरिषद मराठी मुलांच्या शाळेत महारक्तदान शिबिराचे आयोजन करण्यात आले होते, या रक्तदान शिबिराच्या प्रमुख अतिथी पहूर पोलिस स्टेशनचे पोलीस निरीक्षक राहूल खताळ साहेब, उपनिरीक्षक संदीप दिवटे, ह.भ.प. ईश्वर महाराज पाळधीकर ,डॉक्टर भूषणदादा मगर विघ्नहर्ता मल्टीस्पेशलिटी हॉस्पिटल चे संचालक , समाजसेविका वंदनाताई चौधरी, वैद्यकीय अधीक्षक डॉ जितेंद्र वानखेडे , आरोग्यसेवक कमलाकर पाटील,जेबीएन महाराष्ट्र न्यूज कार्यकारी संपादक ईश्वर चोरडिया, सामाजिक कार्यकर्ते मुक्ताराम गव्हाणे , पत्रकार बांधव, उपस्थित होते.कार्यक्रमाचे आकर्षण जुन्नर चार्ली चापलीन सोमनाथ स्वभावाने, केसावर फुगे फेम खानदेशी अभिनेता व गायक अण्णाभाऊ सुरवाडे समाजसेवक सुमित पंडित उपस्थित होते जळगाव जिल्ह्यातील सामाजिक कार्यकर्ते व मित्र मंडळी यांनी माणुसकी समूहातर्फेआयोजित महारक्तदान शिबिरास रक्तदान करून आपला सहभाग नोंदवून सहकार्य केले.
कोविड च्या प्रादुर्भावामुळे रक्ताचा मोठा तुटवडा निर्माण झाल्याने या शिबिराचे आयोजन करण्यात आले होते ,आपण समाजाचे काहीतरी देणे लागतो म्हणून हा वाढदिवस साजरा केला गेला, तरी सकाळी ०८ ते दुपारी ०१ पर्यंत रक्तदान शिबिर चालू होते . या रक्तदान शिबिरात ४२ रक्तदात्यांनी रक्तदान केले या कार्यक्रमाचे सूत्रसंचालन देविदास साबळे सर व समाजसेवक सुमित पंडित यांनी केले व आभार गजानन क्षीरसागर यांनी मानले. हा कार्यक्रम यशस्वीतेसाठी कमलाकर महाजन अक्षय देशमुख चंद्रकांत गीते विकास माळी गोपाल वाणी प्रकाश मोतीहार मनोज वाणी देविदास पंडित योगेश वाणी सिताराम वाणी , विश्वास बाविस्कर , अमोल कायटे, अमोल पाटील, बापू पाटील, वसंत गिते, मंगला गीते,चंद्रभागा वाणी, रूपाली क्षीरसागर, विजया वाणी,कविता वाणी, लक्ष्मी पंडित, मीरा पंडित आदी माणुसकी ग्रुप सदस्य व लोहारा परिसरातील नागरिक यांनी सहकार्य केले. रक्त संकलनाचे कार्य माधवराव गोळवलकर स्वयंसेवी संस्था जळगाव यांनी केले..
———————————–
रक्तदान करून आपला माणुसकी धर्म सार्थकी लावावा, रक्तदान हेच श्रेष्ठदान…
(पोलीस निरीक्षक राहुल खताळ साहेब पहुर पो स्टे)
रक्ताची किंमत त्या नातेवाईकांना विचारा ते एका रक्ताच्या बॅगसाठी रक्तपेढीमध्ये चकरा मारतात , आपण प्रत्येकाने आज रक्तदान करून उद्याची आपली गरज पूर्ण करूया.डोके फोडून रक्ताचे पाट वाहन्याऐवजी रक्तदान करून एकमेकांचे जीव वाचवावा, मला पण रक्तदान करायचे होते व ती माझी इच्छा पूर्ण झाली. सामाजिक कार्यासाठी सर्वांनी पुढे यावे. समाजसेवक गजानन क्षीरसागर यांनी अशीच समाजसेवा करावी व त्यांच्या पुढील कार्यास आमच्या शुभेच्छा, आम्ही पुढे पण त्यांच्या सामाजिक कार्यात सहभागी राहु.